KISWAHILI

„KISWAHILI Muhimili, Ni Roho mengine mwili“

Kiswahili Kiswahili, Hebu wote tujadili.

Vifimbo Cheza wa hili, Mudahili Umahili.

Daima tunajadili, Madini si Kiswahili.

 KISWAHILI Muhimili, Ni Roho mengine mwili .

Wengine tumekalili, Elimu si   Kiswahili.

Hawanayo afadhali, Magwiji wa Kiswahili.

Shahada juu ya mbili, Hawapewi ujabali.

KISWAHILI Muhimili, Ni Roho mengine mwili .

Hebu na tutafakali, Tena hata mara mbili.

Ung’eng’e tunakubali, Kiswahili kiko mbali.

Kivipi tufike mbali, Duniani wakubali?

KISWAHILI Muhimili, Ni Roho mengine mwili .

Sisi ndio Kiswahili, Ndio hasa wetu mwali.

Tumpende mara mbili, Wampende na wa mbali.

Watoe nyingi  Mahali, Sifaze zifike Mbali.

 KISWAHILI Muhimili, Ni Roho mengine mwili .

Kiswahili muhimili, Wasomi hawakubali.

Ubunifu uko mbali, Hatunayo kandambili.

Elimu Bora ni swali, Uzalendo uko Mbali.

KISWAHILI Muhimili, Ni Roho mengine mwili .

Wasomi wamekalili, Ung’eng’e ndio kamili.

Kiswahili si kamili, Sokoni hakishamili.

Soko lenye Majabali, Kipi chetu Muhimili?

KISWAHILI Muhimili, Ni Roho mengine mwili .

Msingi na wa Awali, Ung’eng’e si  Kiswahili.

Sekondari Kiswahili, Vyuo pia Kiswahili.

Ofisini Kiswahili, Binafsi na Serikali.

KISWAHILI Muhimili, Ni Roho mengine mwili .

Ung’eng’e usiwe mbali,  Na nduguze mbalibali.

Utufae kwa achali, Na pengine kwa ugali.

Lengo kuu Kiswahili, Kila ngazi kishamili.

KISWAHILI Muhimili, Ni Roho mengine mwili .

 Woga shida kukabili, Twaogopa na vivuli.

Sayansi labda kweli, Uraia sio kweli.

Ung’eng’e na Kiswahli, Lazima ni Kiswahili.

KISWAHILI Muhimili, Ni Roho mengine mwili .

Tunatupa Kiswahili, Tunabaki na LIMWILI.

Maroboti yana mwili, Yana pewa na Akili.

Fikiri mara ya Pili, Ufumbue  fumbo hili.

KISWAHILI Muhimili, Ni Roho mengine mwili .