ZENOPHOBIA

1

ZENOPHOBIA JAMANI, UGONJWA AMA USAHA?

AFRIKA YA KUSINI, MISIBA NA MAJERAHA.

WEUSI WAWE TABUNI, WEUPE WALA MARAHA.

NAKITAFUTA KIINI, NITIBU LAO JERAHA.

SINA SHAKA NA VICHWANI, JAPO WANA MAJERAHA.

NA MBONA HAWAFANANI, NA TULOWAPA SILAHA?

ZENOPHOBIA JAMANI, NI GONJWA AMA USAHA?

2

NI GONJWA KALETA NANI, WATABIBU NA SEMENI

WALE WAO MAFANANI,TULIWAFICHA VYUMBANI.

UJINGA AWAPE NANI, HATUNAO MAJUMBANI.

HAIPO YETU ZAMANI, YENYE UJINGA USONI.

WEUPE WAWE NI MBONI, WEUSI KUNI JIKONI?

MALENGA NIKUMBUSHENI, HUU UJINGA MAKINI.

ZENOPHOBIA JAMANI, NI GONJWA AMA USAHA?

3

USAHA AINA GANI, LAZIMA UKAMULIWE

KAMA JIPU LA ZAMANI, SASA NA LIKAMULIWE

MUHIMU NI UMAKINI, TIBABU LIFANIKIWE.

CHANZO CHAKE SI PEMBENI, FUMBOLE LIFUMBULIWE.

YA MOYO TUYATENGENI,AKILI ZIFUNGULIWE.

WEUSI TU KULIKONI, SWALI KUU LIJIBIWE

ZENOPHOBIA JAMANI, NI GONJWA AMA USAHA?

4

KILA KUKICHA MISIBA,KUKICHA JIPYA LIJAMBO.

AFRIKA HANA BABA,NA MWANA KAWA MTAMBO.

WASO RANGI WANAIBA,WENYE RANGI NDIO CHAMBO.

KAMZIDI BARNABA, ABEBA HATA  UTUMBO.

HALI CHAKULA NA BABA, MWANA HASHIBI MAKOMBO.

UTAMBULISHO NI BABA, WA MWANA JELA YA NGÁMBO.

ZENOPHOBIA JAMANI, NI GONJWA AMA USAHA?