1
Sasa mimi naamua,Maji
nguo navulia.
Sifuri ukiijua,
Utaandika na mia.
Bora kiguru na
njia,Tuli bure huumia.
Kufika ukikawia, Pata
ulichofikia.
Sikia ya kusikia,Maanaze dadavua.
Upande wako dandia,Undaniwe pambanua
Uchama si ufitini, Ukabila si udini
2
Kimbia ama tembea,
Linganisho fikiria.
Matamu yao Ongea, Hakikisha
wayajua.
Bweteka sio tulia, Hutakosha
sufuria.
Kesha mvua na jua, Ya
muumba fikiria.
Panga hata kwa
jambia, Ya muhimu zingatia.
Mwenye kweli yenye
nia, Nyendoze huwa sawia
Uchama si ufitini, Ukabila si
udini
3
Yavuma kupindukia,
Pasuka utasikia.
Katu usije kimbia,
Tukioni sogelea.
Ngoma ikishatulia,
Mizuka itapungua.
Kelele zitapungua,
Hasara tutaijua.
Ujinga utapotea,
Welevu tutaujua.
Umoja utajongea,
Hesabu zitatukaa .
Uchama si ufitini, Ukabila si
udini
4
Kushoto ama kulia,
Hakuna kulotulia.
Zamani kushikilia,
Ujinga ulotulia.
Ujinga kuurukia,
Uchizi wa kudhania.
Dini kupuuzia,
Sayansi kutoijua.
Kabila kuinamia,
Gizani kutokomea.
Akili ukitumia, Ya
moyo utapembua.
Uchama si ufitini, Ukabila si
udini
5
Sifuri ukiijua,
Muhimu utagundua.
Uchama wetu pembua,
Viini vimeungua.
Udini wetu chungua,
Uungu hutoujua.
Ukabila sio pua, Hatukosi kupumua.
Ukweli sasa gundua, Sifuri kutoijua.
Welevu wameng’amua, Wapi pa Kututungua.
Uchama si ufitini, Ukabila si udini
6
Napenda sana ongea,
Machache ninayojua.
Kusoma bado
kujua,Ubovu yangu tabia.
Sifuri yangu fichua,
Fikira ziwe sawia.
Uchama
ningechagua,Fitina wapi kwepea.
Kabila sito kimbia, Ukabila
napembua.
Udini wangu wa poa,
Mbinguni nime potea
Uchama si ufitini, Ukabila si
udini
7
Fikiria dadavua,
Kosoa nilokosea.
Sifuri yako chagua, Vema nami nikijua.
Tanzania yaungua,
Huamini we funua.
Uchama wafurumia,
Ujinga kushabikia.
Udini unachanua,
Hakuna wa kuzuia.
Ukabila tunafufua,
Ujinga umekolea.
Uchama si ufitini, Ukabila si
udini
0 comments:
Post a Comment